Бөлүмдөр
Жума, 19-июль
Ысык-Көл облусу, Каракол 26.12.2018 12:42

Маданиятка эмгек сиңирген ишмер Ботбай Куланбаев дүйнө салды

Turmush -  Каракол шаарында Кыргыз Республикасынын маданиятына эмгек сиңирген ишмер, эстрада ырчысы, улуттук музыкалык аспаптарды жасоочу Ботбай Куланбаев Ормучиевич дүйнө салды.

Ботбай Куланбаев 1949-жылдын 13-февралында Ысык-Көл районунун Тору-Айгыр айылында туулган. Мектепти аяктагандан кийин Каракол шаардык педагогикалык институтунда билим алып, аны 1979-жылы аяктаган. Кийин Ак-Суу райондук маданият бөлүмүндө автоклубдун башчысы, 1979-82-жылдары Каракол шаардык маданият үйүнүн алдындагы ансамблдин көркөм жетекчиси болгон.

1982-89-жылдары «Кыял» элдик көркөм кооперациясынын Караколдогу улуттук музыкалык аспаптарды жасоочу бөлүмүндө мастер, 1989-жылдан «Насыйкат» кичи ишканасынын жетекчиси болуп эмгектенген.

«Боз салкын» ыр-бий ансамбли менен Ливияда, Түркияда, Сомалиде, Италияда гастролдо болгон. Италияда жеке концерт берген. 1991-жылдан бери И.Туманов атындагы музыкалык окуу жайда иштеп келген.

Б.Куланбаев Тору-Айгыр айылында эртең акыркы сапарга узатылмакчы. Артында 2 уулу, кыздары калды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×