Бөлүмдөр
Жума, 25-май
Ысык-Көл

Ысык-Көлдө майып адамды өзүнүн дачасында сабап өлтүргөн тургун кармалды

Turmush -  Ысык-Көл облусунда адам өлтүрүү фактысынын бети ачылды. Бул тууралуу ОИИБдин басма сөз кызматы билдирди.

Маалыматка караганда, Ак-Суу РИИБге телефон аркылуу Михайловка айылынын жанында жайгашкан дачалардагы үйдүн биринде белгисиз адамдын өлүгү табылгандыгы жөнүндө кабар түшкөн. Аталган кабар боюнча окуя болгон жерге тергөө-ыкчам тобунун кызматкерлери барышып, өлүктү кароо жүргүзүү мезгилинде башынан жана көкүрөк тушунан көк ала болгон тактар бар экендигин аныкташкан.

Соттук-медициналык экспертизанын корутундусу боюнча киши колдуу болуп өлгөндүгү такталгандыктан, райондук милициянын тергөө кызматы тарабынан КРнын Кылмыш-жаза кодексинин 97-беренеси (адам өлтүрүү) менен кылмыш иши козголгон. Көрүлгөн ыкчам-иликтөө иштеринин натыйжасында өлгөн адамдын өздүгү аныкталып, ал Каракол шаарынын 57 жаштагы тургуну, 2-топтогу майып Ж.У. экендиги белгилүү болгон.

Андан аркы иликтөө иштеринин натыйжасында кылмышка шектүү катары дачанын ээси — Каракол шаарынын 46 жаштагы тургуну, мурда КЖКнын 208-беренеси менен соттолуп келген К.О. кармалып, алгачкы суракта күнөөсүн толугу менен мойнуна алган. Анын айтымында, ошол күнү ал дачасында жабырланган адам менен спирт ичимдиктерин ичишип, мастыктан улам уруша кетип, аны сабап өлтүргөн.

Шектүү катары кармалган адам Каракол ШИИБдин убактылуу кармоочу жайына киргизилип, козголгон кылмыш иштин алкагында анын үстүнөн тергөө амалдары жүрүп жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1056
Көп окулду
×